لو بتدور على سعر متر الحجر الهاشمي في مصر وعايز تعرف تكلفة واجهتك، فالموضوع مش سعر متر وبس. فيه فرق بين الخامات، وفيه حاجات بتتحاسب بالمتر الطولي أو بالقطعة، وكمان النقل والسقالات وطبيعة التصميم ممكن يفرقوا في السعر.
أسعار الحجر الحالية
رتبنا الخامات حسب السعر من الأقل إلى الأعلى علشان المقارنة تكون أوضح، مع العلم إن السنبل والكموني والخامة القديمة كلها درجات مختلفة من الحجر الهاشمي الهيصم.
حجر أبيض أزازي
حجر طبيعي للواجهاتمن الاختيارات المستخدمة في الواجهات الفاتحة.
هاشمي هيصم سنبل
درجة من خامات الهيصمالسعر الحالي لخامة الهيصم السنبل.
حجر هاشمي كريمي
حجر طبيعي للواجهاتخامة كريمي مستخدمة في واجهات الفلل والمنازل.
هاشمي هيصم كموني
درجة من خامات الهيصمالكموني أعلى من السنبل بـ30 ج للمتر.
حجر مرمر
حجر طبيعي للواجهاتيتم اختياره حسب طبيعة وتصميم الواجهة.
هاشمي هيصم خامة قديمة
درجة من خامات الهيصمالسعر الحالي للخامة القديمة.
السعر ده شامل إيه؟
الأسعار الأساسية تشمل التوريد والتركيب داخل القاهرة والجيزة وفق تفاصيل المشروع. أما المحافظات والمناطق الأبعد فيتم مراجعة تكلفة النقل حسب المسافة والكمية ومكان التنفيذ وظروف الوصول للموقع.
فيه حاجات في الواجهة مش بتتحاسب بالمتر المسطح
ودي من أهم النقط اللي لازم تكون واضحة قبل حساب تكلفة واجهة الحجر الهاشمي.
مش كل اللي ظاهر في تصميم الواجهة بيتحسب بنفس طريقة متر الحجر. فيه عناصر بتتحاسب بالمتر الطولي، وفيه ديكورات وقطع خاصة بيتحدد سعرها حسب التصميم والمقاس.
من العناصر اللي بتظهر كتير: الكورنيشة لفواصل الأدوار ونهايات البلكونات، والفتافيت في تفاصيل الديكور، وخرزة ظهر حية، والوزرة أو السفل البازلت في الجزء السفلي من الواجهة.
طب الكوابيل والنحت والخشخان؟
الكوابيل، والخشخان، والطبانة الميكانيكي، والطبانة العادية، والنحت، والشباك المضخم بيتحدد سعرهم حسب التصميم والمقاس والكمية وطريقة التصنيع والتنفيذ.
طيب أنا أحسب تكلفة واجهتي إزاي؟
سعر المتر جزء من الحساب، لكن مش هو تكلفة الواجهة النهائية لوحده.
لما بنحسب تكلفة واجهة حجر هاشمي، الأول بنحدد مساحة الواجهة الفعلية، وبعدها بنراجع الفتحات والرواجع والبلكونات والبروزات، وبعدين نحسب العناصر الطولية والديكورات.
نحسب المساحة الأساسية
طول الواجهة × الارتفاع للحصول على المساحة الإجمالية.
نخصم الشبابيك والأبواب
الفتحات اللي مش هيركب عليها حجر بتتخصم حسب المقاس الفعلي.
نراجع الرواجع والبلكونات والبروزات
بنضيف الرواجع وسور البلكونات والبروزات وأي جزء هيتم تشطيبه بالحجر.
نحسب العناصر الإضافية
الكرانيش والفتافيت والنحت والشباك المضخم والكوابيل والخشخان والطبانة يتم حسابهم بشكل منفصل حسب التصميم.
عشان كده واجهتين مساحتهم قريبة ممكن تكون تكلفة تنفيذهم مختلفة، بسبب الرواجع والبروزات والبلكونات والكرانيش والديكورات الموجودة في كل واجهة.
ليه عرض سعر الحجر الهاشمي بيختلف من مكان لمكان؟
مستوى تجهيز الحجر قبل وصوله للموقع من أهم أسباب اختلاف السعر.
فيه فرق بين خامة متجهزة داخل مصنع بماكينات دقيقة، وبين خامة طالعة من ورشة مستوى التقطيع والتجهيز فيها مختلف.
خامة المصنع
التقطيع بيكون أكثر انتظامًا، والمقاسات أقرب لبعض، والتخانات أكثر ثباتًا، والسطح أنظف.
ده بيساعد في ضبط التركيب واستقامة الواجهة، وقد تكون تكلفة خامة المصنع أعلى بدرجة بسيطة بسبب مستوى التجهيز ودقة المقاسات.
خامة الورشة
الورش مش كلها مستوى واحد، وبعض الورش القديمة ممكن يظهر في الحجر الخارج منها علامات تقطيع أو «ريجة».
وممكن يحصل اختلاف بسيط في التخانة أو المقاس، وده يحتاج ضبط أكتر أثناء التركيب.
ليه السعر ممكن يختلف من محافظة لمحافظة؟
نفس الحجر ونفس التصميم ممكن يختلف سعرهم بسبب مكان المشروع والنقل وظروف التنفيذ.
لأن التجهيز من شق الثعبان بالقاهرة، تكلفة النقل بتختلف حسب مكان المشروع. القاهرة والجيزة تختلف عن قنا، أو المدن الجديدة، أو المحافظات البعيدة.
المسافة وتكلفة النقل
كل ما المسافة تزيد بنراجع تكلفة النقل حسب المحافظة.
مكان المشروع وسهولة الوصول
طبيعة الطريق وإمكانية وصول سيارات النقل بتدخل في الحساب.
الكمية وظروف التنفيذ
المساحة والكمية وارتفاع المبنى وتصميم الواجهة بتفرق من مشروع للتاني.
والسقالات؟
لو السقالات متاحة عند العميل ممكن نستخدمها بعد التأكد إنها مناسبة. ولو مش موجودة، ممكن ننسق مع شركة سقالات متخصصة. التكلفة بتتحدد حسب ارتفاع الواجهة، ومدة الاستخدام، وطبيعة الموقع، ومش داخلة تلقائيًا في سعر المتر إلا لو تم الاتفاق على كده.
أسئلة بتتكرر قبل تنفيذ واجهة الحجر
اضغط على أي سؤال وهتظهر لك الإجابة تحته مباشرة.
كم سعر متر الحجر الهاشمي في مصر 2026؟
الأبيض الأزازي 270 ج، الهيصم السنبل 330 ج، الكريمي 330 ج، الهيصم الكموني 360 ج، حجر المرمر 450 ج، والخامة القديمة 570 ج للمتر المسطح.
هل السنبل والكموني والخامة القديمة أنواع مختلفة؟
هي درجات وخامات مختلفة من الحجر الهاشمي الهيصم، ولكل درجة سعرها.
هل السعر شامل التوريد والتركيب؟
الأسعار الأساسية تشمل التوريد والتركيب داخل القاهرة والجيزة وفق تفاصيل المشروع، ويتم مراجعة النقل للمحافظات الأبعد.
كيف بنحسب مساحة الواجهة؟
بنحسب الطول × الارتفاع، ونخصم الأبواب والشبابيك، ونضيف الرواجع والبلكونات والبروزات والأجزاء اللي هيركب عليها الحجر.
هل الكورنيشة والفتافيت داخل سعر المتر؟
لا. العناصر الطولية يتم حسابها بشكل منفصل عن المتر المسطح.
كام أسعار العناصر بالمتر الطولي؟
سفل البازلت عرض 40 سم 270 ج، الكورنيشة 160 ج، الفتافيت 100 ج، وخرزة ظهر حية 120 ج للمتر الطولي.
هل كل الديكورات لها سعر ثابت؟
لا. الكوابيل والخشخان والطبانة والنحت والشباك المضخم بيتحدد سعرهم حسب التصميم والمقاس والتنفيذ.
هل السقالات داخلة في سعر المتر؟
السقالات مش داخلة تلقائيًا في سعر المتر، وبيتم الاتفاق عليها حسب طبيعة المشروع.
ليه واجهتين نفس المساحة ممكن يكون سعرهم مختلف؟
بسبب الرواجع والبلكونات والبروزات والديكورات والنقل والسقالات وتجهيز الخامة.
الأسعار محدثة باستمرار
نراجع الأسعار في الصفحة باستمرار. إذا تغير سعر أي خامة بنحدثه هنا، وإذا لم يحدث تغيير يظل السعر كما هو. آخر مراجعة: 4 أكتوبر 2026.
عندك واجهة وعايز نراجع تفاصيلها؟
ابعت صورة الواجهة أو المخطط، والمساحة التقريبية، ونوع الحجر، والمحافظة، ونراجع معاك تفاصيل التنفيذ والنقل قبل الاتفاق.
إرسال تفاصيل المشروع على واتساب=